影片
更多
2024-01-17
90 浏览
做开CD Rom 今次都要出食评吐吐苦水，申子而家有个Menu 系午市叫个贵餐然后半价个平餐，个Menu 系如图咁既。我同朋友去Lunch, 见到贵Menu 唔太岩食就要两个生姜烧饭啦，食物唔评论了，重点系食完埋单连加一收我$47x, 下？当时Serve 我地既系日籍店员，我地提出个价钱有问题后佢拎左落去同另一位同事研究，搞完一轮拎上来，最新价钱系$43x…日籍店员大约讲左几句咩新旧menu 有价差之类，然后就只计少三十几蚊算数。我地再解一次，今次店员就解释系: 个Menu 叉完show 俾你个价系佢好心帮你计好特价之后条数，如果唔用佢优惠就要收原价。而佢又已好好心地将我两个所谓平餐做左特价，所以就并无收哂两个餐正价。系再争论一轮无果之下，唯有俾钱当自己食左份人生最贵既生姜烧饭，至于店员话佢会同当时不在场既经理反映下个menu 既设计问题，真唔真就不得而知。而我同朋友其实斟酌既位有三点：1，而家即系佢Mark 个数再叉走佢，然后侧边再写有优惠，咁正常理解会系佢点都会收我佢叉完Show 出来个价。佢呢个「好心帮你计埋用左优惠既价」其实违反左正常阅读逻辑。2，更加重要既系，佢叉完俾出来个数
我同朋友去Lunch, 见到贵Menu 唔太岩食就要两个生姜烧饭啦，食物唔评论了，重点系食完埋单连加一收我$47x, 下？
当时Serve 我地既系日籍店员，我地提出个价钱有问题后佢拎左落去同另一位同事研究，搞完一轮拎上来，最新价钱系$43x…日籍店员大约讲左几句咩新旧menu 有价差之类，然后就只计少三十几蚊算数。
我地再解一次，今次店员就解释系: 个Menu 叉完show 俾你个价系佢好心帮你计好特价之后条数，如果唔用佢优惠就要收原价。而佢又已好好心地将我两个所谓平餐做左特价，所以就并无收哂两个餐正价。系再争论一轮无果之下，唯有俾钱当自己食左份人生最贵既生姜烧饭，至于店员话佢会同当时不在场既经理反映下个menu 既设计问题，真唔真就不得而知。
而我同朋友其实斟酌既位有三点：
1，而家即系佢Mark 个数再叉走佢，然后侧边再写有优惠，咁正常理解会系佢点都会收我佢叉完Show 出来个价。佢呢个「好心帮你计埋用左优惠既价」其实违反左正常阅读逻辑。
2，更加重要既系，佢叉完俾出来个数，$239 同$139 根本唔系半价，有乜可能用呢样野来拗只要我唔用佢优惠就要收我$239?
3，就退一步当佢个说法成立，其实一样都唔合理，因为如是者其实佢生姜烧定价系贴近刺身餐价钱，如果佢肯话我知个Menu 要用佢个超常逻辑理解的话，我哋会直接叫两个贵餐无咁嬲。
可能系我同朋友理解力有问题啦，但呢件事都反映到呢间店定价唔太合理。至于点解佢最后平番＄3x 俾我，我同朋友都觉得系店员本身知佢地Menu 有呢个问题但又话唔到事，就为左息事宁人就是但平少少当免我地加一算；不过背后真正原因系点我地就唔深究了。
张贴
