辛味屋

营业中

休息中

朋友话时不时都会谂起位于TST既一间日式蛋包饭专门店，但可惜我唔太中意食呢类野，所以一直都未有同佢去食。今次就系荃湾揾到一间类似既餐厅，而且除左提供饭之外，仲有乌冬，岩哂唔想食饭既我。店外摆放住D套餐模型，卖相非常吸引~~午市定食价钱亦唔贵，最平$49已经可以落楼。我点左个吉列猪扒咖哩乌冬$62，包款前菜薯仔球同海带面豉汤餐厅声称用日本直送赞歧乌冬，系唔系真我唔知，我只知个乌冬面粉味好重，又软淋淋，欠缺左赞歧乌冬既弹牙感…..如果真系日本直送加赞歧乌冬，咁煮面位师傅都好唔掂，再好既食材都浪费哂。吉列猪扒炸粉个厚度同猪扒既厚度近乎一样，加上猪扒又实又鞋，炸粉又硬又干，咬到牙都痛…..朋友点左个吉列猪扒奄列咖哩饭$58 奄列蛋仍然可见生蛋白，由于我唔太中意太生既蛋白，所以我麻麻地呢个奄列。朋友亦表示呢度既吉列猪唔太好食，同想像好大出入。