稻香 (已結業)

记得以前稻香系散叫边炉为主，而家转左放题形式，任饮任食，感觉抵左，至少可以吸纳到我地啲大胃王嘅客路！座位多，好快有得入座，但都好迫夹！好快填定汤底同配料就俾阿侍应姐姐落单，侍应姐姐俾个好大嘅心理准备我地，manage定我地expectation：”唔好谂住快，唔够人手！”等等等，再等等等，配料到但㶽都未到考验耐性嘅时候。。。到有锅，但配料完全唔齐，原来部分丸同菜要自己移玉步出去夹，无人同我地讲过啰！如果自助，就唔好俾人填纸拣啦！我地填嘅野食到啲唔到啲，佢啲牛肉豚肉系三催四请先有(谂住用啲平价嘢塞饱食客个胃咁)，结果填左3次配料纸先叫得齐！佢系叫人无人，完全零服务，啲餐具仲要劲污糟(唔通谂住我地一定揾滚水渌一渌佢？)我地仲见到窗上面有只小昆虫除左虾新鲜少少同坚系甜粟之外，味道就无咩特别，全雪藏嘢，肥牛劲肥，麻辣㶽得个咸字，二百几仲要加一完全唔值，唔会再帮衬！依个价钱嘅火锅出面大把选择！个人觉得快餐店嘅一人边炉比佢好劲多