沙嗲王 (已結業)

今日因同朋友过开去MK买电脑野，又谂唔到有啲咩求其得黎近, 快, 靓, 正, 唔使等位 ，又一定唔伏嘅野，就satay king 喇~ 蟹肉豆腐石锅饭，今日比较冷，食热野比较正~ 味道有好浓的蟹粉味，亦都见到有蟹肉，豆腐亦都好滑，同浓浓的蟹味配合系无得输嘅 避风塘炸豆腐又系好好味，我朋友就特别欣赏果啲一粒粒嘅"避风塘" (唔知果啲系叫咩 )，好香口又有少少辣，几开胃 由于近期食过人和豆品店的鱼肉豆腐，好自然要比一比，了开豆腐入面，satay king的系比人和的更"成件"无咁散又滑啲，心想可能人和果啲系自家制，satay king系买X福/百X果啲现成豆腐，所以唔同。satay呢只豆味都唔重，但胜在滑身。 巨峰绿茶蜂蜜爆爆珠，爆爆珠好得意，一口咬下去即有好重的蜜糖甜味，令到一杯野饮有三种味，出面有淡淡的巨峰甜带轻酸味，夹杂了绿茶少少的茶涩味，再动口咬出蜜糖甜味，的确不错的饮品体验同层次 ，呢度有啲惊喜的感觉