妹記佩蘭鹵水鴨專門店 (已結業)

话说前排，又有啲事入咗香港仔做嘢，咁食晏时就坐两蚊船去大街揾嘢食，本身就想去食记嘅，但点知去到摸门钉咁岩无开，于是就去咗呢间「妹记佩兰」食鸭鸭喇。久闻大名，当然要点个卤水鸭试啦，咁个人钟意面食类多啲，所以就叫咗濑粉。问一问转脾，原来系需要加钱嘅，咁山长水远，当然要食好啲啲，所以叫咗卤水鸭脾濑粉。虽然人比较多，所以等候需时。鸭鸭到了，基于太饿嘅关系，差啲就唔记得影番张相。味道确系有保障，睇个汤同只鸭嘅色水就知道好入味，唔系超咸亦唔会过淡，味道好适中唔骚，配起比较淡味嘅濑粉都好够味，相当开胃。虽然睇落份量唔多，唔好以为会食唔饱，但濑粉其实都几容易有饱腹感。有啲饱，同场依然加演炸云吞半打，虽然比较后期先到，但新鲜热辣又香脆嘢仍然系令人爱不惜口，饱肚都要食番几件。总结，系比较人多可能要花啲时间等待，但食完之后，觉得不枉此行。