稻香超級漁港 (已結業)

今年公司唔知搞咩，居然喺中式酒楼度开xmas party，庆幸嘅系成班同事都玩得好投入、好尽庆！由于我哋公司只系摆咗十围，于是酒楼只系间咗一边俾我哋，讲真，装饰就无乜圣诞feel架喇，靠我哋自己带去都唔带得好多，不过在场嘅店员都好合作，尽量配合我哋，成个场出到黎结果都几好睇。未开席之前有好大"兜"fruit punch俾我哋饮，乜中式都有呢家嘢嘅咩﹖最impressed嘅系每枱枱面都有座「生果山」，几种唔同嘅生果堆到劲高，廿人都食唔晒！好喇，到上菜，一开始就系我最钟意嘅乳猪，烧得啱啱好，正！鸡丝翅入面d翅都几多，咬落去都弹弹吓架！其他嘢例如鱼、饱鱼果d都几好味，最钟意嘅系有人分埋𩠌上枱，唔洗烦！差咁d嘅系全晚挂住玩，搞到d嘢冻晒先食，如果唔系应该更加好味！临走前忍唔住走去问店员拎咗张宴席嘅菜单，谂住屋企做节可以黎喺度，价钱ok！唔知系咪最近先食咗一餐类似嘅宴席，搞到有比较，觉得呢间无论喺服务同食物方面都抵好多！