影片
更多
2015-12-31
846 浏览
老公向来无咩心思, 今年圣誔礼物谂到唔谂, 带咗我去apm, 求其叫我系商场买样嘢, 当然买之前要俾佢过目, 个心即刻灰咗, 虽然结咗婚几年, 但感觉好似变咗老父老妻, 好无诚意, 加上佢今年要去台湾工干, 陪唔同我过, 今日顺手出埋去食饭，当系提前庆祝。买完嘢之后, 以为佢想带我上楼上food court 食饭, 点知佢带咗我去apm 隔离坐大厦, 话book 咗枱同我撑枱脚。入到餐厅, 我开始有番笑容, 而且有d 喜出望外, 因为餐厅好有情调, 窗边挂咗一排排蓝色既圣誔灯, 枱上亦都有放咗蠋蜡, 加上我哋930先去食, 人客已经唔多, 感觉就好似包咗场咁。老公知我钟意食生蚝, 就点咗苏格籣金贝蚝嚟食, 呢款蚝虽然唔算好大只, 但口感爽脆又腍滑, 肉质清爽鲜甜, 蚝汁极多, 入口时会有浓浓既海水盐味, 之后慢慢就有甜味渗出, 而且蚝味都几重, 感觉好新鲜。食完冷盘, 就想食d暖身菜, 所以我哋就点个热汤嚟饮, 牛肝菌忌廉汤就最适合不过, 呢款忌廉汤真系好好味, 首先个汤够杰身, 一d都唔浠, 而且口感绵滑, 牛肝菌味香浓, 就好似用咗好多牛肝菌磨出嚟咁, 令菌味更加突出, 同埋浓郁,
买完嘢之后, 以为佢想带我上楼上food court 食饭, 点知佢带咗我去apm 隔离坐大厦, 话book 咗枱同我撑枱脚。
入到餐厅, 我开始有番笑容, 而且有d 喜出望外, 因为餐厅好有情调, 窗边挂咗一排排蓝色既圣誔灯, 枱上亦都有放咗蠋蜡, 加上我哋930先去食, 人客已经唔多, 感觉就好似包咗场咁。
老公知我钟意食生蚝, 就点咗苏格籣金贝蚝嚟食, 呢款蚝虽然唔算好大只, 但口感爽脆又腍滑, 肉质清爽鲜甜, 蚝汁极多, 入口时会有浓浓既海水盐味, 之后慢慢就有甜味渗出, 而且蚝味都几重, 感觉好新鲜。
食完冷盘, 就想食d暖身菜, 所以我哋就点个热汤嚟饮, 牛肝菌忌廉汤就最适合不过, 呢款忌廉汤真系好好味, 首先个汤够杰身, 一d都唔浠, 而且口感绵滑, 牛肝菌味香浓, 就好似用咗好多牛肝菌磨出嚟咁, 令菌味更加突出, 同埋浓郁, 一边饮住汤, 一边食餐包, 令我觉得好满足。
紧接就系口味较情爽既, 卖相唔错, 蕃茄同软水牛芝士以梅花间竹既方法排系碟上, 旁边加咗少量法律菜, 再系上面淋上罗勒汁, 整个配搭都非常新鲜, 而味道酸甜清爽, 令人越食越开胃, 如果加埋无花果既话, 应该劲力好味。
老公钟意食青口, 所以点咗个, 用铁镬仔装住一只只肥美既青口, 令青口能够长期保持温热, 蓝青口虽然外形纤细, 但肉质香嫩柔滑, 无渣, 好juicy,食落除咗有蒜香味, 仲有少少海洋味, 感觉好清新, 好好味呀。
主菜点咗两个意粉, 香蒜榄油带子扁意粉 , 个意粉都几足料, 入面放咗好多大大只既带子, 送上嚟就闻到香喷喷既蒜蓉香味, 意粉煮得软硬适中, 好有质感, 食落口感觉都几湿润, 而且仲有少少咸香味, 而带子非常厚身, 肉质鲜嫰弹牙, 几好味。
老公食既系扒皇帝虾意大利饭, 大大只既扒皇帝虾打横瞓系饭面, 好有霸气, 老公觉得个饭有少少硬, 但我觉得咁先够正宗, 因为意大利人中意食好似生米既饭, 认为咁先够咬口, 而只扒皇帝虾真系无得输, 啖啖肉, 味道鲜甜爽弹, 仲有少少烧烤既香味, 掂呀~
最后就系饮品, 我同老公都系饮苹果汁, 其实都无咩特别, 但我觉得味道有少少偏酸, 不过, 食到咁饱, 饮苹果汁帮助消化都唔错。
总括嚟讲, 呢间餐厅俾我既感觉唔错, 布置都几有心思, 而且待应态度相当好, 好有礼貎, 食物又有质素, 特别系海鲜, 生蚝、青口、扒皇帝虾都好好味, 下次我会同老公再嚟。特别鸣谢老公为我安排呢餐饭。
张贴
