聚點坊點心專門店 (已搬遷) 新店位置

出发去今晚圣诞节party之前，梗系要食少少野医下肚先。黎左上环呢边，好多食店其实都休息，系禧利街度见到聚点坊点心专门店仲营业紧，系窗口边见到坐到满哂人，而且门口仲有好多人排紧队，所以决定入去试试。最尾我地都要等左20分钟先入到去。睇完个menu后就叫左几样点心，分别系碧绿韭菜粿 (HKD 22)，爽滑鲜虾肠 (HKD 29)，雪山叉烧包 (HKD 19)，凤爪排骨饭 (HKD 30)，古法马拉糕 (HKD 16)。至于茶位钱就好平 (HKD 3 每位)，同埋佢地唔收加一服务费既。个韭菜粿我觉得同潮州粉果既涵差唔多，不过系多左啲韭菜，味道唔错。个虾肠就劲抵食，啲虾大只得黎又多，我系爱虾之人，同埋啲肠粉系几滑既。个叉烧包个皮几脆口，啲叉烧涵又几多，味道就不过不失啦。个排骨饭两个人share食既分量就啱啱好，排骨同埋只凤爪都几惹味。个马拉糕就算系几松化，都算大件。