萬麗咖啡室

营业中

休息中

哥哥最爱旅游，疫情下滞留咗喺香港都有潮玩Staycation，不愁寂寞。今季新试嘅「香港万丽海景酒店」仲诚邀佢预先品尝「万丽咖啡室」月中先推出嘅圣诞主题自助晚餐（成人八折优惠价连加一约$700/位），呵呵呵，细佬当然系好乐意去做跟班啦！位于酒店阁楼嘅餐室光猛开扬，四周摆出金银红绿嘅圣诞树、圣诞花、雪人等装饰，节日气氛浓厚。试食一角就连餐桌都花下心思去布置，态度相当认真。多国菜式琳瑯满目，望落都好企理卫生。最受欢迎嘅冰镇海鲜区有龙虾、面包蟹、鳕场蟹脚、螺、虾、法国生蚝等。最中央位置有芝士、沙律及冻肉头盘。沙律可自选配搭。亦有捞制好嘅款式，当中西柚香橙红菜头沙律尤其爽甜，泰式海鲜沙律都好清新。冻肉则以相中最右方腌过嘅三文鱼薄片最为惹味突出。日本代表有寿司、即切刺身、串烧牛肉及章鱼小丸子。个人钟情肥美滑溜嘅火炙三文鱼寿司。面档今期做紧台湾牛肉面，嘻嘻，疫情下冇得去台湾玩可以食住黎顶瘾。热汤共有三个选择，中式嘅虫草花淮山炖排骨最清，西式嘅椰菜花汤就较易饱肚；最啱小肥口味系中西合璧嘅蟹柳南瓜羮，厚滑甜美得黎内含嘅素翅、云耳丝、豆腐丝等成功为汤品增添口感嘅层次，洒啲芫荽喺面更有提鲜之效！热食均有暖