快樂蜂 (黃埔天地)

营业中

休息中

人气菲律宾快餐店最近推出全新圣诞二人餐，包含两款开胃小食、主菜、甜点同饮品，价格亲民，食物即叫即整，新鲜滚热辣，约埋另一半简简单单食个晚餐嘅都系个唔错嘅选择呀。乐脆鸡有四件，可以自行选择原味或辣味，鸡锤鸡胸各二，外层炸至酥脆可口，肉质嫩滑啖啖肉，咬落Juicy，点埋经典蘑菇酱汁可增添口味。另有鸡块，细细一件方便食用，皮亦唔算厚😌主食可以拣意粉、咖哩饭、芝士肉酱意粉或蘑菇，店员推介咖喱饭，饭同酱汁分开上十分贴心，酱汁浓郁，浓稠度适中，捞饭一流。薯条系幼身嘅，口感味道同M记差不多，但冇咁咸。甜品有香芒蜜桃批，份量系苹果批嘅一半，外皮金黄酥脆，内里爆浆，酸酸甜甜咁好开胃，大人小朋友都啱食。而饮品要咗青柠茶梳打，饮落清爽够解腻，比起汽水更加值得点。