幸匠燒 (海運大廈)

营业中

休息中

呢排疫症反覆系咁升，搅到冇乜想话约人出街。圣诞期间，一约就一大班总有几个唔识，出去都冇所谓，一齐食饭就免得过都唔会了。如是者成个假期屋企休息同埋只探屋企人。我哋相约在尖沙嘴行阵街买下野，再去食串烧。由于有小朋友，所以都会选择好坐而洗手间又企理嘅餐厅，所以选咗嚟呢度。订左6点早啲食怕人多。前菜～太咸鸡心同肾串烧～第一次食心系切到薄片，份量少亦少左口感，但鸡肾唔错。鸡膝软骨～叫四串但只嚟两串，不过烧得几好。香港冇乜地方有鸡胸软骨，有就更正。炸猪扒黑松露蛋饭～要求佢蛋要熟啲因为俾小朋友食，alter左佢所以comment唔到佢蛋滑唔滑，但黑松露就好香。烧鸡翼～烧得好好，所以encore多两串青椒仔～比平时食嘅大只，唔系平时食开𠮶种，不过都好食。天妇罗～我试左蚝同唔记得乜菜，正常。佢系每人有一个汁，几好唔洗用同一个。草莓豚肉卷～第一次试，学得荔枝豚肉好食啲。酒盗芝士～成份系买返嚟放在同一个盘上，所以唔系餐厅煮，送酒一流，不过好细份。鸭肝鳗鱼丼～好食嘅烧多春鱼～得两条我冇试。难得出去食紧系要饮返杯啦。