Chef's Stage Kitchen (愉景新城) (已結業)

天气转凉，加上圣诞来临，疲倦嘅身心特别想得到治愈。抱住想奖励下自己嘅心情，揾左呢间靓靓西餐厅去叹下。入商场，离远就见到间餐厅有好多精致嘅灯饰，令人觉得心头一暖。入到去，服务员好gentleman咁帮我拉凳，超级温柔咁介绍餐单，仲问我地有冇野戒口，真系好周到体贴！首先餐前小点个番茄面包外脆内软好好味，搭配酱好开胃。其次个黑松露汤一攞上黎就好香！我本人麻麻地黑松露，但朋友想试就叫左，惊喜地佢个汤冇刺鼻嘅味，饮落口好滑，配埋脆脆面包，口感好丰富。跟住我地仲叫左个牛油果藜麦沙律，好似系新品黎～d沙律菜够晒新鲜，醋油汁比例啱啱好，同藜麦、牛油果好夹。藜麦外硬内韧，口感QQ地几得意。我地仲叫左个纽西兰海钻蚬扁意粉，我超钟意呢只扁幼身意粉。个碟好靓，d clam好新鲜冇臭味，慢慢食好鲜甜。意粉煮得软硬适中，配小小辣椒蒜头，超级好味。最正都系个羊架啊啊啊！睇返d相都好回味，七成熟肉质好鲜嫩，咬落口真系有肉汁走出黎。其他配菜，酸乳酪焗薯、番茄西兰花都好好味。个青酱同d羊超级夹，系幸福嘅味道！另外佢d鸡尾酒都好正，木质嘅装饰，昏而不暗嘅灯光，环境本身已经令人好陶醉。小酌一杯，同朋友倾下解，真系