大快活

营业中

休息中

原本谂住食第二间，经过见到大快活门口放咗劲大张圣诞餐既广告，就俾佢吸引咗，有猪仔包又有我钟意既罗宋汤，仲有十二安士可口可乐。张单打罗宋汤，返到屋企一望，罗宋汤变其他汤都算，猪仔包图片就成个，实物得个六份一。其实落单就听到佢地倾计话冇晒猪仔包，我望紧手机以为同我讲野就望一望佢地问：冇晒猪仔包阿？其中一个女人就话唔系阿，咁我咪当冇回事。仲有阿，我买两个餐，呢个西冷牛排明明配十二安士可乐，佢只系问我第二个餐饮咩，我话可乐，点知佢跟西冷排餐就俾咗个热奶茶我。我几时有讲过热奶茶呢三个字？肯定系挂住倾计分心落错单，不过呢个怪我冇覆单。食物方面正正常不过不失，服务态度唔用心，粗心大意。我唔介意饮其他汤，你讲声换其他咪得啰，通知都冇声就自己同你换咗佢，我觉得冇乜礼貌。