麻布茶房 (已結業)

圣诞谂住据下扒，就黎入黎试下。拣左一份16安士安格斯牛扒 同埋美式什扒，再加3款小食。三款小食平平常常，而29蚊3样黎讲算可以了。到讲主菜。呢个美式什扒，一拎黎就见到旧洋葱黑过炭，鸡扒怪怪地，肉入面d雪味好劲，旧肉冇乜味，似白煮。牛扒煎到成块牛肉干咁，劣作! 到猪扒又系冇味冇肉汁。成碟野80蚊 真系食快餐店据扒仲抵过佢。到块安格斯， 职员话得7成 同全熟拣，冇5成拣，我地拣左7成，一黎到一切入面d肉黑色的，即刻叫店员来，要求店员换上拎一块，佢地都愿意的。图上就系另一块，都系唔太新鲜，冇乜肉既鲜味，似雪左耐，同唔系靓既肉，不过16安士而128蚊，都预左质素唔会高的。撞板一次算了，以后唔会再来。