22 Ships (已搬遷) 新店位置

上次同朋友试过呢间西班牙菜，一开始见到价钱有啲进取，但都对得住价钱。首先讲吓前菜Uni & Rusa Toast，系海胆配薯仔沙律多士，海胆超级鲜甜零腥味，同朋友一样食第一啖已经惊叹薯仔沙律竟然令海胆甜味更出众😝⠀其次到主菜啦，Carabineo Paella(大红虾risotto)，价钱相比起其他餐厅系贵啲，但大虾嘅size，新鲜程度，同生熟程度都恰到好处，虾头膏亦带点点咸香绝对唔腥，十分欣赏呢道主菜。⠀第三道菜嗌咗朋友食过觉得好食嘅Roasted Suckling Pig(烤猪)，呢款烤猪好似中式乳猪，配嘅酱都系甜咸为主轴，皮薄而肉质实在带有猪肉香味，配上沙律冇咁肥腻。⠀本来想嗌埋甜品，不过两个人三款嘢食已经足够，留返下次先嗌布丁☺️。