影片
更多
2015-01-04
3062 浏览
细细个过圣诞，屋企人偶尔会带我嚟波士顿食返个铁板餐，除咗好味，而且每枱都有份圣诞礼物。更加见识到班老伙记点样打呢场仗！早一两年前，同女友嚟食，班老伙记仍然宝刀未老，但当时已经混入新力军取代。今年平安夜，波士顿啱啱装修完成，于是叫埋女友个朋友一齐去食圣诞大餐。五点十去到，等位人潮已经企晒出行人路，再迟啲嚟后果可想而知。当晚九点几再路经附近，仍然有唔少人等紧位，真系等得嚟都可以去食宵夜！同以前有啲唔同，包舖个位阔落咗，亦都换晒一班后生嘅员工。份圣诞礼物就门口派，小朋友先有，所以再冇每枱一份呢支歌仔唱。餐牌一目了然，个个嚟到实系食铁板餐。不过女友同佢朋友想知「圣诞大餐」系乜嚟，所以我自愿放弃铁板餐，「牺牲小我」食圣诞大餐。等位其间，两位女士走咗入包舖，因为铁板餐冇甜品，经商议后买两件饼上楼上食，作为甜品。等咗成粒钟，终于有得入去坐。装修后个环境一样咁暗，啲枱凳都冇乜点重新排过，唯一分别系班老伙记一个不留，再冇班老伙记闹返个客转头嘅「集体回忆」(其实嚟到真系食「集体回忆」多过食味道)，第二代老板亦亲自落场指挥。落咗Order后，又要再等多几个字先有得食餐汤连同餐包先上。喺波士顿，餐汤好难唔好饮
今年平安夜，波士顿啱啱装修完成，于是叫埋女友个朋友一齐去食圣诞大餐。五点十去到，等位人潮已经企晒出行人路，再迟啲嚟后果可想而知。当晚九点几再路经附近，仍然有唔少人等紧位，真系等得嚟都可以去食宵夜！同以前有啲唔同，包舖个位阔落咗，亦都换晒一班后生嘅员工。份圣诞礼物就门口派，小朋友先有，所以再冇每枱一份呢支歌仔唱。
餐牌一目了然，个个嚟到实系食铁板餐。不过女友同佢朋友想知「圣诞大餐」系乜嚟，所以我自愿放弃铁板餐，「牺牲小我」食圣诞大餐。等位其间，两位女士走咗入包舖，因为铁板餐冇甜品，经商议后买两件饼上楼上食，作为甜品。
等咗成粒钟，终于有得入去坐。装修后个环境一样咁暗，啲枱凳都冇乜点重新排过，唯一分别系班老伙记一个不留，再冇班老伙记闹返个客转头嘅「集体回忆」(其实嚟到真系食「集体回忆」多过食味道)，第二代老板亦亲自落场指挥。
落咗Order后，又要再等多几个字先有得食
红汤 / 罗宋汤
256 浏览
0 赞好
0 留言
黑松露南瓜忌廉汤
193 浏览
0 赞好
0 留言
由于太多人叫铁板餐，所以铁板餐唔使等好耐就有得食。反而「圣诞大餐」等极都未有。
精选肉眼扒
216 浏览
1 赞好
0 留言
厚切西冷
192 浏览
2 赞好
0 留言
香煎纽西兰西冷配野牛肝菌汁
111 浏览
1 赞好
0 留言
追吓啲伙记，碟沙律先嚟。
蜜桃大鸡胸沙律拌法国菜
122 浏览
0 赞好
0 留言
餐饮变咗用嚟平衡返头先𠮶堆「圣诞大餐」。不过中咗两次伏，圣诞特饮(伙记话系鸡尾酒)都系可免则免。叫杯冻奶茶算数。
榛子朱古力蛋糕
146 浏览
0 赞好
0 留言
件蛋糕入口即融，榛子同朱古力味道突出，应该同楼下包舖卖嘅一样。
亦因为呢件蛋糕咁出色，所以再叫伙记喺雪柜拎埋刚才买𠮶两件蛋糕出嚟。
柠檬芝士挞(左) + 芒果蛋白蛋糕(右)
239 浏览
1 赞好
0 留言
件柠檬芝士挞，好creamy，柠檬味道啖啖渗出，微酸得嚟亦有芝士味道；
另一件芒果蛋白蛋糕，就好似食Moose咁，同柠檬芝士挞啱啱相反，呢件蛋糕比较清淡轻盈，同芒果味道同样突出，而且食晒都唔会觉得滞。
而两件蛋糕均有同样特点，就系个饼底好脆口，一试就爱上。
其实帮衬波士顿咁多年，从来都只系讲铁板餐，最多讲埋个餐包，反而忽略咗佢个饼房，睇嚟要对呢间几十年嘅老子号重新定位！尤其系佢个饼房，面包、蛋糕、焗批一应俱全，而楼上餐厅又冇得直接同饼房落单，下次路过应该要试吓饼房嘅出品。
题外话/补充资料：
圣诞节期间，波士顿不设电话订位，所有人都要walk-in。
(以上食记乃用户个人意见 , 并不代表OpenRice之观点。)
张贴
