紅茶冰室

营业中

休息中

圣诞节梗系食圣诞大餐啦, 呢间餐厅嘅圣诞大餐相当丰富,而且价钱相当实惠。头盘有例牌面包, 配上牛油,为圣诞大餐拉开序幕！套餐预设餐汤系火树银花忌廉汤, 今次为左应节,我就点咗红当当嘅罗宋汤。罗宋汤用料十分足料, 浓浓嘅蕃茄香配上罗宋汤主要嘅配料例如萝卜洋葱等等, 味道可口。套餐仲配埋沙律,沙律上面充满咗好多唔同嘅生果主菜系香煎纽西兰牛肉眼扒配虎虾, 肉眼扒煎得十分甘香可口, 肉味相当突出, 而且块扒煎到啱啱好,唔太淋亦唔太硬, 虎虾 开咗边, 蒜香味同虾味扑鼻而来, 加上虾外观亦相当吸引。 值得一提嘅系肉眼同虎虾嘅酱汁,非常正！最后系一客木糠布甸为呢餐圣诞大餐作完美嘅收官, 布甸相当迷你, 表面遍布木糠,布甸充满牛奶味, 卖相相当精致！