京味居 (已結業)

圣诞节同屋企人去中环睇灯饰，妈妈话想去中环的横街食D有特色的舖头，所以我就带佢o黎呢度。一坐低老豆立即叫碗上海汤面，可能是京菜关系，所以上海汤面不太正宗，粗面过谂。又系我例牌的担担面，面身同样唔得，而汤底亦一般，没有正宗的麻辣味。细妹叫的素炒拉面，反而唔错，炒得唔干又唔油，面比一般北京拉面较粗身。京烧羊肉-皮脆肉嫩，比起做冬去"侬"食的京烧羊肉，无论水准同价钱真系差好达。咕噜肉-唔多掂，好重油"益"味，而且炸粉又多。一场o黎到，当然要食水饺啦，前后叫了三款，当中以羊肉饺最为好食，因为够膻又够羊味，其次是白菜，另外芹菜亦好香。妈妈觉得水饺皮算做得不算，饺子包得结实，不会松散，而内里汤汁亦不少。最后甜品系拔丝苹果，真是见佢系雪柜拎个苹果出o黎即整。可能即制关系，又热又脆，比起泰丰廔好食，食过几次泰丰廔的拔丝苹果，都是较硬，呢度做得较为松化。总体来话，虽然味道一般，不是十分好食，但5个人食了9样野唔驶300蚊，真系食了一个又平又抵的圣诞大餐。