韓食 (已結業)

圣诞开party几乎系每年既指定活动。由朝玩到晚，走既时候都好夜。唔知系咪玩得太尽，竟然又肚饿，为左今晚可以有觉好训，就睇下附近有咩野食。朋友家住太子，即使晚上都仲有好多选择。不过自己又唔想食太多，于是拣左呢间。铺头细细，店外有几张枱，好街坊食店既感觉。餐牌好多韩式食物，炸鸡，紫菜包饭，韩式煎饼，最重要系价钱够亲民，完全唔贵。蜂蜜芥末炸鸡 $23细份有五件，完全冇骨，每件炸鸡都几大粒。蜂蜜芥末既味道好香，未食已经比个味吸引。入口味道突出，冇辣既感觉，而且同炸鸡好夹，炸鸡又够脆，有惊喜。宫廷紫菜包饭 $25份量都几多，𩠌又多，都算大件夹抵食。比较钟意佢个酱，芥末酱汁，微微既辣令紫菜包饭食起嚟感觉更好。估唔到谂住hea食宵夜竟然遇到好野。玩左成日又食左餐好宵夜，今晚应该好好训。