影片
更多
2013-01-08
94 浏览
虽然所住𠮶区都有美心、圣安娜，但唔知点解特别多帮衬东海堂㖞，自从佢改变咗形象，揾咗日本饼师做顾问，又加大咗宣传，啲饼又特色咗，所以就比以往较常帮衬。晌圣诞节，相约好另一个家庭有个小小饭聚，地点晌小弟家中，由小弟夹埋我老婆下厨落手煮几味。至于甜品一环，都喺假手于人好啲，就买咗个东海堂出品嘅cake little，圣诞节限定版「杂莓芝士慕丝」，外型小巧精致。因为有晒圣诞树、圣诞老人做装饰，小朋友劲钟意，争住要啲装饰物，仲唔怕甜照咬照食，只喺家长「指引」下唔准，先无食晒咋。其实cake little喺早前东海堂嘅新出品，直径约五吋嘅迷你小蛋糕，啱人少嚟分享。cake little系列原本有5款味：冲绳海盐焦糖、杂莓芝士慕丝、清酒栗子、北海道芝士、五重の朱古力，圣诞节期间就将佢哋加少少圣诞装饰，成为「节日限定」。当日所见，有冲绳海盐焦糖、杂莓芝士慕丝、五重の朱古力化身为圣诞蛋糕，又以杂莓芝士慕丝粉红色最抢镜，加上「宾客」当中有位小妹妹，故此就选上cake little杂莓芝士慕丝（平时卖$98，圣诞版卖$108）。既叫得杂莓芝士慕丝，自然以杂莓为主。牛油饼干底有点硬，切起上嚟有啲啲困难。除牛油
晌圣诞节，相约好另一个家庭有个小小饭聚，地点晌小弟家中，由小弟夹埋我老婆下厨落手煮几味。至于甜品一环，都喺假手于人好啲，就买咗个东海堂出品嘅cake little，圣诞节限定版「杂莓芝士慕丝」，外型小巧精致。因为有晒圣诞树、圣诞老人做装饰，小朋友劲钟意，争住要啲装饰物，仲唔怕甜照咬照食，只喺家长「指引」下唔准，先无食晒咋。
其实cake little喺早前东海堂嘅新出品，直径约五吋嘅迷你小蛋糕，啱人少嚟分享。cake little系列原本有5款味：冲绳海盐焦糖、杂莓芝士慕丝、清酒栗子、北海道芝士、五重の朱古力，圣诞节期间就将佢哋加少少圣诞装饰，成为「节日限定」。当日所见，有冲绳海盐焦糖、杂莓芝士慕丝、五重の朱古力化身为圣诞蛋糕，又以杂莓芝士慕丝粉红色最抢镜，加上「宾客」当中有位小妹妹，故此就选上cake little杂莓芝士慕丝（平时卖$98，圣诞版卖$108）。
既叫得杂莓芝士慕丝，自然以杂莓为主。牛油饼干底有点硬，切起上嚟有啲啲困难。除牛油饼干底外，中心喺朱古力海绵蛋糕，很软绵又有回弹力，上下两层海绵蛋糕之间夹有一薄层士多啤梨果肉，增添口感；外围上层喺杂莓慕丝，据店员讲，慕丝加入北海道3.6牛乳嚟做，你话喺唔喺一加入北海道3.6牛乳就奶香超然，小弟就唔喺太觉得，但反而唔似用一般牛奶同忌廉所做嘅慕丝咁腻，此外，除咗满有杂莓清香外，质感很软滑，甜度又啱口味；至于外围下层喺芝士慕丝，芝士味道较轻怡，相信想平衡番上层个杂莓慕丝，唔想芝士味太抢太突出！整体而言，依个杂莓芝士慕丝蛋糕真喺几好食。
张贴
