影片
更多
2016-12-16
5310 浏览
是日晚餐地点系朋友既选择, 佢话利舞台Sky Bar新开无耐. 装修的确新净舒适又够阔落. 只可惜我地被安排坐于pool table隔离, 而且餐枱同pool table相隔颇近, 有人打波的话就要小心被督亲 (注: 晚餐尾声有3个人开始打波, 佢地有几次瞄波要推开我地张櫈; 所以book枱时最好讲明唔要果度). 呢度有飞标区, 可能系星期四既关系, 飞标区无乜人玩. 另外有一间private room, 可以坐8-10人咁上下, 入面亦有飞标. 人少少book间房开party唔错唷. 而且, Sky Bar价钱好公道. 我同朋友打开menu两眼发光, 一直碎碎念好抵食, 好抵食, 好抵食, 好抵食.........最终, 我地选择左一个$288(+10%)有一打生蚝, 餐汤, main course, 甜品及一杯红/白酒既套餐. 有位十分好笑容及有礼既waitress小姐同我地讲差不多8成人客都拣呢个餐, 因为好抵食. 我都觉得如果8成人都拣, D生蚝都应该够新鲜. 因我朋友系生蚝控, 异话不说就直点两份. 我既main系龙虾意大利饭, 朋友系rib eye
最终, 我地选择左一个$288(+10%)有一打生蚝, 餐汤, main course, 甜品及一杯红/白酒既套餐. 有位十分好笑容及有礼既waitress小姐同我地讲差不多8成人客都拣呢个餐, 因为好抵食. 我都觉得如果8成人都拣, D生蚝都应该够新鲜. 因我朋友系生蚝控, 异话不说就直点两份. 我既main系龙虾意大利饭, 朋友系rib eye 5成熟.
两个餐一共2打生蚝上枱, 场面相当盛大. 生蚝有D颇为奀瘦薄身, 较为大只既就的确几creamy. 因多人叫, 流量大所以生蚝好新鲜. 生蚝控朋友唔加任何汁就一口一个咁食. 咁就系食蚝既豪气喇. 是日餐汤无得拣, 系奶油杂菌汤, 我本身唔钟意菌类, 好彩唔系太浓味, 所以接受到. 我既主菜先到, 好香既意大利饭, o下........又有少许松露(虽然我都系唔太钟意呢阵味, 但只好接受啦), 上面亦有唔少巴马晨芝士, 饭唔系太多cream又唔太有意大利饭既al dante口感, 感觉就似食普通饭一样. 加上龙虾好老(鞋烚烚), 虽然有好多膏但个main course整体就麻麻. 我朋友既rib eye 就十分之林, 真系刚好5成熟. 唔配其他酱汁都已经够晒味. 但唯一就系比较薄. 我会比8分个rib eye, 我自己个 龙虾意大利饭只有6分.
最后个甜品系豆腐芝士蛋糕. texture唔错, 但无乜豆腐味及芝士味, 唔讲应该估唔到.
Sky Bar内有好多圣诞装饰, 一入到去已经感受到强烈既圣诞气氛. 加上有酒, pool table 及飞标等娱乐, 相信O系度享受圣诞大餐会好有feel. 我见佢地个x'mas menu都系4百几有交易. 系几吸引既. 一于下次同朋友O黎玩O下飞标.
张贴
