鐵板站 - 扒房餐廳 (已結業)

话说今次系第3次去铁板站, 第一次系女友放工谂唔到食乜, 就去左九龙城行下, 误打误撞入左黎, 发现原来铁板站D水准真系好得。黎得呢度食就当然食扒啦, 第一次本身想食西冷, 老细极力推介食三角牛扒, 之后一试难忘, 所以圣诞都黎呢度。今次同女友一人一餐, 我食安格斯牛扒, 女友食大虾拼牛扒, 可能因为厨房忙既关系, 铁板唔够热, 但剩系食呢度D食材, 牛扒肉质已经值回票价, 我因为有病唔食得虾, 女友都话个虾味道唔错, 而女友块牛扒始终唔系贵价既关系, 女友既牛就冇我既安格斯牛咁好食了。当日我地加钱要左龙虾汤, 一般出面DELI FRXXXE或者其他餐厅饮既味道食OK, 但呢度味道够浓之余, 真系俾足料, 有好多旧龙虾, 味道GOOD。顺带一提, 阿老细好鬼热情, 成日揾我地吹水, 我地影相佢就连相机都拎埋帮我地影, 好鬼好服侍。埋单两个人先285, 仲要系圣诞节同埋加左钱转龙虾汤。