Angelina Paris (已結業)

圣诞一年得一次，点都要食好少少。位于中环IFC既Angelina除左坐拥维港夜景，仲系由百几年前就系巴黎创立，经典又气派。未食都试到贵族既滋味。 鹅肝酱配橙啫喱及法式多士Starter鹅肝酱软滑香浓，配上橙啫喱同酸酱，清新解腻；法式多士松软好香肉桂味。 鹿肉配火箭菜及芥末酱 鹿肉肉味好浓郁，薄切食比较清爽唔腻；配上味道出众既火箭菜，好清新。 栗子松露汤 松露汤好浓郁香口。汤里面配上栗子蓉非常特别。饮落有别于一般松露汤，系甜甜地。最惊喜系呢个汤。 Cleansing palate系Champagne味雪葩，酒味甜腻，口感轻盈。食完解一解腻就可以食main啦。 烤火鸡配鹅肝及栗子酱 火鸡肉烤得非常滑，唔会好似一般既鞋口。鹅肝略为淡味，配上火鸡汁同红莓酱就好清新。 烟肉包鱼肉 monkfish煮得非常嫩滑好juicy，焗得微脆既烟肉增添香口感；配上西芹苹果酱同节瓜，整体味道清淡温和。 羊肚菌意大利菜配火箭菜 意大利饭煮得一流。饭芯偏硬而又唔系生，酱汁稠密度好好，creamy得黎又唔腻，配上火箭菜解腻感。parmesan cheese片咸香惹味，最钟意呢道main。