影片
更多
2012-12-26
23 浏览
圣诞节，一个好值得出街食野既日子，妈咪话想食扒，但系佢25号朝早先讲食乜，仲要只系要去旺角食，哗....好难啫，一谂起当然要openrice search search啦，一揾之下，由于妈咪话请，唔想食得太贵，一见已经揾到间之前见个同事食既一间房，天机栈扒房，我就要睇下有几栈。响冇book枱既情况下，7点3去到，家姐要我去攞位先，一谂已经好有难度，咁既日子都冇book位，睇黎都系凶多吉少。Receipt姐姐解释夜晚8:30后已经full book冇位，如果人齐可以即入8:30pm交枱，但系同屋企人商量完未必得，receipt姐姐好好人话最迟9:00pm交枱，好友善，service好好，呢个要值得一赞。7点45分家人到齐，Menu上已经有好多款圣诞大餐俾人客选择，妈咪请，唔可以食得咁贵，最后我叫咗个白酒煮青口意大利饭，妈咪有少少病病哋，食咗个微辣既蕃茄大虾通心意大利面，而家姐本身想拣食生蚝，但食蚝冇餐，最后冇叫，食咗个唔记得叫乜名既普通牛扒，家姐叫咗7成熟。好快已经上头盘，先黎个沙律先开一开胃，个沙律ok，d菜唔够fresh，以呢个价钱唔要求得咁多。跟住已经有包食，包完全唔够热，所以出黎
响冇book枱既情况下，7点3去到，家姐要我去攞位先，一谂已经好有难度，咁既日子都冇book位，睇黎都系凶多吉少。Receipt姐姐解释夜晚8:30后已经full book冇位，如果人齐可以即入8:30pm交枱，但系同屋企人商量完未必得，receipt姐姐好好人话最迟9:00pm交枱，好友善，service好好，呢个要值得一赞。
7点45分家人到齐，Menu上已经有好多款圣诞大餐俾人客选择，妈咪请，唔可以食得咁贵，最后我叫咗个白酒煮青口意大利饭，妈咪有少少病病哋，食咗个微辣既蕃茄大虾通心意大利面，而家姐本身想拣食生蚝，但食蚝冇餐，最后冇叫，食咗个唔记得叫乜名既普通牛扒，家姐叫咗7成熟。
好快已经上头盘，先黎个沙律先开一开胃，个沙律ok，d菜唔够fresh，以呢个价钱唔要求得咁多。跟住已经有包食，包完全唔够热，所以出黎当要系一旧好硬既包，呢d都一般，唔写咁多。
接著落既系个汤，今日有2款汤拣，南瓜汤同杂菜汤，妈咪拣咗南瓜汤，我同家姐拣既系杂菜汤。妈咪话个南瓜汤同出面既唔同，少少甜，又唔会净系得汤。我当然立即试下个杂菜汤啦，咪就同一般冇乜分别，但系真系足料，唔系汤多，唔同既菜，再加少少肉粒，加埋汤本身应有既酸辣味，汤的确唔错。
上完个汤，当然去到个main course喇，妈咪亩于唔食得酸辣，就同我交换咗个意大利饭食。先讲佢食既饭先，好少听到妈咪话个d青口好食(除咗佢自己煮之外)，细细只再加上少量白酒煮过，食落时唔会俾白酒，盖过对本身青口既海鲜味，意大利饭份量刚好，对于佢呢d冇乜胃口既人就最prefect，只系d意大利饭有少少煮得过咗火，冇咗应有既口感，总体系个唔错既饭。
之后到我既微辣既蕃茄大虾通心意大利面，酸辣度对我个人而言系偏酸，由于酸多过辣，可能系d蕃茄酱既问题，同佢本身餐牌写既有少少出入，个通心意大利面ok唔会太生，另外值得一提系个大虾，大只得黎肉质鲜嫩，唔似外面一d死虾咁"煤"，但系除咗呢样之外，只大虾冇乜特别，冇乜太大海鲜味，虾味完全俾d酸辣味盖过，整体叫做ok啦。
而家姐叫既唔知咩牛扒，印象中，佢叫既7成熟，家姐俾咗旧我试，似5成熟多d，有好明显既血汁，well，好彩我同佢都食得生，薯蓉我就冇食过，但家姐话唔ok，我就冇食过。
我同妈咪既餐饮系普通咖啡同菜蜜，但系家姐饮既好ok，叫做金莎朱古力特饮。家姐一试话好饮，我呢d tasting人当然要试啦，饮咗一啖，ok㖞，完全系平时超市过年买既金莎朱古力，掂㖞，本人仲记得新年最钟意食就系呢只朱古力，所以就本人而言都几like呢杯野饮，虽然要加钱，但值㖞!!!!!
最后，甜品时间，我要咗个心太软，妈咪要咗个apple pie，家姐就法式焦糖炖蛋。甜品系等候时间最长既一环，我估不少于半个钟，其他客人亦都系等甜品。心太软，最重要系个温度同个流心效果，温度ok，唔太热，易入口，但个流心就唔系好得，流心唔系自然流出黎，系要我压一压先出到黎，甜味ok，但个流心已经扣咗好多分。家姐既法式焦糖炖蛋同妈咪既apple pie报称唔错，我冇试，唔敢comment。
整体黎讲圣诞节呢个18x连加一既一个dinner set其实抵到烂，service亦好好，至少冇人吹我地埋单，店员见杯水冇水亦好快refill，只系等候时间多了少少。有机会可以再帮衬，同朋友聚会一流。
张贴
