野玩海店 (已結業)

之前都听过野玩海店有得食又有得听live band，圣诞节就约朋友嚟左野玩海店食饭庆节！入到去装潢设计好有心思好colourful，令人睇见都开心！餐包系提子干包我地叫左白酒煮蚬同一个二人套餐焗原只波士顿龙虾海鲜拼盘！白酒煮蚬，蚬肉大大粒，用白酒煮令到蚬肉更鲜甜！二人套餐拼盘有1只波士顿龙虾，龙虾好大只，龙虾肉好新鲜弹牙，仲有好多虾膏添！仲有大虾、青口、海蚬各2只！拼盘仲包埋蒜蓉包、薯仔同粟米！醒埋双重芝士汁令到成个拼盘更吸引！套餐仲配埋例汤、沙律、手造薄饼、甜品同野饮。例汤番茄浓汤，酸酸甜甜好醒胃。加20蚊转左周打海鲜汤，个汤好creamy好滑，汤有海虾、鱿鱼圈、蚬肉！沙律新鲜清新，开胃一流手造薄饼成8寸长，杂锦缤纷，芝士布满成个薄饼！餐饮叫左柠檬茶甜品入口丝滑，带有酸甜嘅果香味，令人食完好满足！最后特别值得一提嘅系餐厅好贴心准备好手套、围裙、校剪、钳、湿纸巾比我地食龙虾大餐！