M3 Italian (已結業)

今日同朋友又嚟咗M3食dinner, 不过系嚟咗大围嘅新分店😬餐厅内摆放了圣诞装饰，充满节日气氛，我地order咗凯撒沙律配烟三文鱼，黑松露带子意粉同木鱼花鲜虾薄饼。沙律都几丰富，有新鲜嘅沙律菜，面包粒，烟肉粒，车厘茄，大大块嘅烟三文鱼，仲有粒半熟蛋，味道相当唔错😆意粉煮得刚刚好，黑松露味香，蚬几鲜味，最欣赏系d带子，微微煎香，保持到嫩滑口感，好好味😋Pizza中间有大量木鱼，啱晒钟意食木鱼嘅我😬😬每件pizza上都有只虾同菠萝，饼底好脆口，薄薄地唔会好易食滞。饮品新推出咗沙冰系列，嗌咗杯pink lady试下。店员话入面有杂莓，乳酪，牛油果，蜜糖。饮起上嚟几rich，杂莓味比较突出。甜品要咗蛋白饼，脆脆地嘅蛋白饼入面有芒果雪糕，外层就有d生果做装饰，卖相几靓。蛋白饼偏甜，可以配上旁边嘅热情果酱嚟食，中和返个甜度。M3食物质素高，环境又唔错，系一个同朋友聚会唔错嘅选择☺️