影片
更多
2021-12-29
4075 浏览
见到天际万豪自助餐圣诞有9折，又顺便去大屿山玩就嚟试食吓，见到之前啲留言又话冇嘢食呀，性价比唔高呀，但我就觉得比想像中有惊喜。首先圣诞当日有好多几代同堂嚟食，好多小朋友气氛好热闹，餐厅每枱放咗啲圣诞派对用品，有头cool、吹吹卷呀等，好多人都戴咗个头cool周围走。食食吓又会有圣诞老人出嚟派糖同影相，好有气氛。食物方面种类虽然唔系特别多，但每款都有水准。一嚟最多人排队嘅刺身海鲜类，食咗三文鱼同蟹钳，啖啖肉仲有d膏，另外仲有青口、虾、吞拿鱼等选择。试埋烟三文鱼同忌廉焗三文鱼，前者唔会死咸，焗三文鱼就不过不失，呢个价位食圣诞自助午餐收货wor又，试过食九龙君绰真系可以用难食嚟形容。想讲周打蚬汤都足料，见到真系有蚬、鱿鱼咁，不过个汤同放碗个位有距离，想拎汤就要打扰到排紧海鲜队嘅人龙，有d麻烦。佢配包得两三款，但自助餐应该冇咩人食包，所以合理🤣有啲菜式觉得比之前食嘅自助餐岩口味，印度脆脆有啲地方会整得好咸，但呢度唔会，平时饮橙汁苹果汁会觉得好甜，但呢度都系唔会，同埋有樽装维他奶又几啱天气冻饮wor🤣几款点心我就拣咗食比较唔易饱嘅猪肉烧卖同鱼肉烧卖，贴近平时酒楼质素，都见到会有人拎糯米鸡同叉烧包
首先圣诞当日有好多几代同堂嚟食，好多小朋友气氛好热闹，餐厅每枱放咗啲圣诞派对用品，有头cool、吹吹卷呀等，好多人都戴咗个头cool周围走。食食吓又会有圣诞老人出嚟派糖同影相，好有气氛。
食物方面种类虽然唔系特别多，但每款都有水准。一嚟最多人排队嘅刺身海鲜类，食咗三文鱼同蟹钳，啖啖肉仲有d膏，另外仲有青口、虾、吞拿鱼等选择。试埋烟三文鱼同忌廉焗三文鱼，前者唔会死咸，焗三文鱼就不过不失，呢个价位食圣诞自助午餐收货wor又，试过食九龙君绰真系可以用难食嚟形容。
想讲周打蚬汤都足料，见到真系有蚬、鱿鱼咁，不过个汤同放碗个位有距离，想拎汤就要打扰到排紧海鲜队嘅人龙，有d麻烦。佢配包得两三款，但自助餐应该冇咩人食包，所以合理🤣
有啲菜式觉得比之前食嘅自助餐岩口味，印度脆脆有啲地方会整得好咸，但呢度唔会，平时饮橙汁苹果汁会觉得好甜，但呢度都系唔会，同埋有樽装维他奶又几啱天气冻饮wor🤣
几款点心我就拣咗食比较唔易饱嘅猪肉烧卖同鱼肉烧卖，贴近平时酒楼质素，都见到会有人拎糯米鸡同叉烧包，但真系惊一食就饱咗。又试吓烧味，有烧鸭、鸡等，食落系普通嘅。
去到火鸡、鸭胸系一啲都唔hai口，火喉控制得几好，配搭啲粒粒红萝卜好味，四季豆、奶油椰菜款式感觉上系普通但好食。同埋本身几钟意食冷盘，好似云耳、青瓜同莲藕，所以满意。
最后甜品环节，我觉得真系要试吓豆腐花，好有豆味。pancake可以拣落cream定红豆，我拣咗红豆，好大粒吓。蛋糕仔果度area系细，但会换唔同款式嘅甜品上去，香蕉蛋糕、星星莓挞，仲有圣诞帽芒果布甸都唔错，其实仲有姜饼人曲奇同松饼，但最后时段先去会比人拎晒。都有movenpick同哈根大师雪糕拣。不过水果款式冇跟季节，系食菠萝、火龙果、哈蜜瓜同西瓜，可想而知唔当造就唔好食。
其实去到最后食甜品前已经几饱吓，虽然食物款式唔系劲多，但志在每款都几岩口味，整体上都几满意，见在场喺最后半个钟好多已经食饱抖紧🤣而且唔少人专登揸车嚟食，冇前面啲comment讲到咁差，服务态度都好好👍
张贴
