影片
更多
2023-01-01
702 浏览
圣诞节，今年老公不在港，仔又要返工，原本重谂住要自己在家无聊过。又估唔到仔仔怕我节日一个人闷，一早同公司讲左25,26红日都不上班。不过得我同仔仔都系冇乜野好做，就揾埋婆婆一齐出去食个晚饭啦。反正舅父亦不在港，我地唔揾婆婆，佢又系一个人过。系商场行黎行去都唔知食乜好，行过The Spaghetti House见到佢个芝士火锅几吸引就决定食佢啦。不过虽然望落唔多人，结果我地等位都等左大半个钟，好彩有得坐住等，唔会话企到累，等到心情唔好。我地叫左个牛肉拼盘芝士火锅 ＋20蚊转左香草酱芝士火锅汁，再加多个肉酱阔面，虽然睇落唔多野食，但食到我地三婆孙都好饱呢，因为芝士真系好漏，不过真系好好味。跟芝士火锅的烟三文鱼沙律，沙律本身都冇乜特别，烟三文鱼都几大片的，唔错。另外叫的焗芝士肉酱阔面，仔仔一向钟意食肉酱阔面；如果好似Pizza Hut咁有薯容系4边就更好了。芝士火锅的烧牛肉，因为依碟牛肉，个芝士火锅贵左成百蚊架，佢有另一set芝士火锅冇烧牛肉的只系400几蚊芝士火锅，好正丫。个芝士火锅Set本身都唔少野食，有法包，粟米，西兰花，啡菇，肉丸，通粉，鸡翼，炸鱼手指，炸芝士条咁上下。最好味，真系法
系商场行黎行去都唔知食乜好，行过The Spaghetti House见到佢个芝士火锅几吸引就决定食佢啦。不过虽然望落唔多人，结果我地等位都等左大半个钟，好彩有得坐住等，唔会话企到累，等到心情唔好。
我地叫左个牛肉拼盘芝士火锅 ＋20蚊转左香草酱芝士火锅汁，再加多个肉酱阔面，虽然睇落唔多野食，但食到我地三婆孙都好饱呢，因为芝士真系好漏，不过真系好好味。
跟芝士火锅的烟三文鱼沙律，沙律本身都冇乜特别，烟三文鱼都几大片的，唔错。
另外叫的焗芝士肉酱阔面，仔仔一向钟意食肉酱阔面；如果好似Pizza Hut咁有薯容系4边就更好了。
芝士火锅的烧牛肉，因为依碟牛肉，个芝士火锅贵左成百蚊架，佢有另一set芝士火锅冇烧牛肉的只系400几蚊
芝士火锅，好正丫。
个芝士火锅Set本身都唔少野食，有法包，粟米，西兰花，啡菇，肉丸，通粉，鸡翼，炸鱼手指，炸芝士条咁上下。最好味，真系法包，点满芝士汁...冇得弹丫.
佢碗少通粉都唔错，仔仔最后系倒左D芝士汁落去搅均黎食。
不过佢果D炸芝士条就麻麻地，打直放，有D夹出黎时见到D芝士已漏晒出黎，得番旧炸粉。但系都系点芝士汁既，都ＯＫ啦。
佢个肉丸我都麻麻地，唔系太钟意，但仔仔话冇问题，好好味，真系个人口味啦。
食完其实重有半锅芝士汁，真系好想拎番屋企啦，可惜唔得。
跟餐重有2杯饮品，最后埋单好似700几。三个人圣诞节，算系咁啦。
张贴
