蟹慶 (已結業)

今晚同朋友提早一齐庆祝圣诞节，拣左一间食蟹宴既餐厅，环境装修充满住日式风情，一行入门口已经见到水缸养住活蟹，今次叫左圣诞节二人套餐。松子大虾沙律大虾口感鲜嫩弹牙，配新鲜沙律菜，沙律汁酸酸地，口感清爽。前菜三点(花螺、海参、蕃茄海葡萄)花螺用咗花雕酒浸，非常香醇，咬落去有嚼劲，海参口感弹牙，蕃茄海葡萄酸酸地，食完前菜好开胃。刺身四点(松叶蟹脚、吞拿鱼、拖罗、深海池鱼)松叶蟹脚肉质鲜美，质地紧实；吞拿鱼同埋拖罗都非常肥美，拖罗入口即化；深海池鱼肉质细嫩。时令蟹可以拣冻食或者热食，我哋拣咗冻食，毛蟹蟹肉份量好多，味道鲜甜，蟹肉同蟹膏分开上，蟹肉上面配咗酸汁啫喱，更加带出蟹肉嘅鲜美。烧喜知次一夜干鱼肉本身扎实，完全冇鱼腥味，烧香左之后外层脆爽。蟹肉浓汤素面浓汤质感比较稠，蟹肉鲜美，素面面条口感顺滑，配搭健康又好味。蟹肉南瓜汤口感浓稒绵密，甜甜嘅南瓜味同蟹肉嘅鲜味相互融合，入口暖笠笠。甜品是日甜品系芝士蛋糕，口感湿润，奶香味十足。