Oolaa (東薈城名店倉)

营业中

休息中

平时好少入东涌，圣诞来东涌探朋友，真心无头绪唔知有乜好食。朋友就话带我们来东涌最好食的餐厅食午餐，原来系Oolaa, 呢间西餐厅有几间分店，有信心保证。装潢够华丽，够晒圣诞气氛，影相打卡都唔错，呢度好多外国人来食，忽然之间觉得自己身处外国，唔洗去旅行都超有去外国食西餐的感觉。首先点了一份spaghetti carbonara,有卖相有质素，有配脆多士，点下spaghetti 汁，捞住来食最地道,spaghetti 整得又弹牙够入味，口感刚刚好，够正宗。第二道菜系chicken parmigiana, 朋友话之前食过好好味，今次再点，原来真系几大份，够晒满足感，鸡肉肉质烟韧弹牙，on top 有特色酱汁好惹味，配上火箭菜沙拉同薯条，颜色缤纷真系好开胃。第三道菜我都超钟意食，就系牛排，有埋薯仔同炒蛋，牛排做到6成熟，成熟程度刚刚好，仲有少少鲜红，很新鲜够肉味，好正。呢间餐厅服务态度都唔错，而且饮水仲会装暖水给我们，很体贴，难怪多分店，值得一试。