小肥牛蒸氣石鍋火鍋專門店 (已結業)

正！正！正！重要嘅嘢要讲3次屋邨价，大酒店质素，7条友都系食咗$2560，蒸海鲜 + 打边炉，龙虾足秤，海鲜坚新鲜，嚟到时仲郁紧架，粥底劲鲜味，我哋之前未试过食光个粥底，后续打边炉又可以任食，啲蔗汁真系有蔗架，并唔系一般有蔗味嘅水，而上菜嘅姐姐都好专业，一个人对4枱，但都唔使我哋等，今晚好满足，如果哩间嘢喺旺角就发达啦，不过哩度都算方便，葵兴地鉄站出行8分钟，隔离又有停车场……而家都仲回味紧只龙虾 & 鲍鱼…我觉得比六公馆仲要正。如果钟意蒸海鲜 + 后续打边炉，我个人推介嚟喇度试吓。佢有个菊花杞子茶好正，食饱饱饮佢冇得输。注：小弟并唔系佢嘅打手，只系一个比较钟意食平民好嘢嘅香港人……