沙嗲王 (已結業)

早2星期约咗几个旧同学一齐圣诞节饭聚同交换礼物，由于节日前后周围都好多人，我地最后拣咗吸食沙嗲王。今次叫咗沙嗲肩胛拉面、日式蟹粉豆腐锅配饭、黄金咸蛋黄鸡翼、黄金咸蛋黄软壳蟹、一口炸鸡球、xxx紫薯球。沙嗲肩胛拉面d牛肩口感麻麻，唔系难食，正正常常咁，但个沙嗲汁的确正，不愧叫沙嗲•王！而个日式蟹粉豆腐锅因为次次嚟都会叫（其实嚟过2次），只可以讲仍然系水准之作，真系好好食，非常啱送饭。个黄金咸蟹鸡翼同黄金软壳蟹就有小小失望，咸蛋味淡咗d，但系炸得香口既。个一口炸鸡球不过不失。而个xxx紫薯球就经典啦！超难食，我直头咬2啖即时反胃吐返出嚟用纸巾包住，佢有阵臭塑胶，车肽味咁好耐未试过出面俾钱食饭系会难食到要吐出嚟。