影片
更多
2015-12-26
2343 浏览
agnès b. 嘅咖啡店到过唔少次，一向都觉得佢啲蛋糕好有水准；而agnès b. 嘅南法小餐馆今回先喺第一次嚟，未知质素跟咖啡店又如何？因为都喺首趟，差啲揾唔到间餐厅，原因喺餐厅晌同名嘅运动服饰店里面，入到去好似有新发现咁。又一城好多食肆都好多人，agnès b. LE PAIN GRILLÉ相对静局少少，可能生客经过门面都唔知里面有间法式小餐馆。环境唔错，唔好谂住喺卖法国菜就会好拘紧，其实，似咖啡室多啲，走轻松路线，以深啡衬墨绿，带少少小馆嘅悠闲风格。又以法国品牌Le Creuset器皿盛载，感觉更多几分格调。虽然有晚市套餐供应，餐汤或沙律、主菜、甜点、啡茶，定价$328，好似有点贵，主菜又只有二拣一，所以，套餐好似唔划算。试试晌散点餐牌着手，3大页就显示晒所有菜式，包括：前菜、三文治、全日早餐、汉堡、主菜、法式荞麦薄烤饼、意大利粉、咖啡、茶品、朱古力、特色冻饮、果汁……等等，选择真唔少。先点啲饮品，再慢慢研究食乜。菠萝茶 $42初时以为喺乜嘢，即喺柠茶嘅菠萝汁版本，菠萝汁加入红茶内，味道都唔错，茶香中有股菠萝嘅清甜味，友人话嗒落几得意，不过，$42的确有点贵，其实佢依度一杯冻柠
又一城好多食肆都好多人，agnès b. LE PAIN GRILLÉ相对静局少少，可能生客经过门面都唔知里面有间法式小餐馆。环境唔错，唔好谂住喺卖法国菜就会好拘紧，其实，似咖啡室多啲，走轻松路线，以深啡衬墨绿，带少少小馆嘅悠闲风格。又以法国品牌Le Creuset器皿盛载，感觉更多几分格调。
虽然有晚市套餐供应，餐汤或沙律、主菜、甜点、啡茶，定价$328，好似有点贵，主菜又只有二拣一，所以，套餐好似唔划算。
试试晌散点餐牌着手，3大页就显示晒所有菜式，包括：前菜、三文治、全日早餐、汉堡、主菜、法式荞麦薄烤饼、意大利粉、咖啡、茶品、朱古力、特色冻饮、果汁……等等，选择真唔少。先点啲饮品，再慢慢研究食乜。
菠萝茶 $42初时以为喺乜嘢，即喺柠茶嘅菠萝汁版本，菠萝汁加入红茶内，味道都唔错，茶香中有股菠萝嘅清甜味，友人话嗒落几得意，不过，$42的确有点贵，其实佢依度一杯冻柠茶都$38架。
蓝莓香蕉沙冰 $48沙冰及梳打喺特色冻饮嘅类别，而依一杯沙冰掂㖞，因为沙冰打得冰冻幼滑，唔会出现冰粒感，入口先嚟蓝莓嘅酸香，再饮落就有香蕉味慢慢渗出，真喺几好饮，兼几抵饮，啖啖真材实料。
蓝莓香蕉沙冰
$48
24 浏览
2 赞好
0 留言
鲜奶咖啡一向喺小弟心水，不过，杯咖啡绝对成为唔到是晚嘅心水，拉花拉得麻麻都有相睇，但亦唔好睇得太重拉花嘅嘢，重点喺个咖啡撞奶泡唔够平均，所以，入口唔够圆滑。
牛油焗田螺 $98喺经典嘅法式味道，一客有6只田螺，只只都颇大粒，所以，肉地都比较厚身，入口挺实而带点韧劲，只只都充满牛油及香草香味，只喺小弟略嫌佢有少少过油。
烟鸡肉及烟鸭胸配车厘子酱汁法式荞麦薄烤饼 $88甜品嘅法式薄饼食过唔少，而依一种咸食嘅法式荞麦薄烤饼（Galettes）都喺第一次试，一共有5款选择（$78-$148），我哋拣咗中间价位嘅烟鸡肉搭烟鸭胸。深啡微焦嘅荞麦烤饼口感烟烟韧韧，带点点麦香，里面包住唔少嘅烟鸡肉，外面铺上烟鸭胸，淋上车厘子酱汁，肉嘅烟熏味夹杂车厘子嘅甜甜酸酸，感觉非常有趣。
因为时值圣诞，店家亦有乘势推出应节菜式，有芝士火锅、杂绵拼盘、炖牛脸颊及甜品，都喺散点嘅，店员就自不然会推介俾客人。睇落定价亦唔算贵，值得试试！
杂绵拼盘 $188一共包含6款食物，虽然以二人份为前题，不过，鎅开去又可以让几个人一齐共享。卖相颇精致，因为件件都做得的骰小巧，色彩缤纷，非常吸引，大可作为餐前小食。当中嘅鲜露笋、炸薯条配黑松露沙律酱就唔多介绍，前者新鲜爽脆，后者亮点都喺个黑松露沙律酱。
鸭肝松露酱面包厚厚嘅鸭肝酱，丰腴甘香，涂晌面包上，变得更加软滑可口，配搭一小瓣新鲜无花果，清香甜蜜，平衡番少少鸭肝酱，喺几款小点中最欣赏嘅一款。
鸭肝松露酱面包
26 浏览
1 赞好
0 留言
鲜虾先经过烤香，口感仍保持爽弹。下面喺迷你酥盒，有蕃茄沙沙加少少黑鱼籽，酸香鲜活中渗出淡淡咸鲜，几有心思。
巴马火腿鹌鹑蛋包裹成球形，真喺唔一啖咬落去都唔知喺乜，巴马火腿充满油香，带咸味而令鹌鹑蛋都变得甘香。
田螺酥最惊喜喺个螺壳都可以食得，仲好松脆酥香，而且，啲田螺比起上面所介绍嘅牛油焗田螺仲好食，一来无咁油，二来加添少少芝士，效果更好，垫底嘅薯蓉都好软滑。
田螺酥
22 浏览
1 赞好
0 留言
打开煲盖，香气四散，大大件牛脸颊肉肉质唔单止松化软腍，仲富有重重嘅胶质，而个砵酒汁非常香浓好味，所以，再以外脆内软嘅法包沾嚟食，同样不减「味」力，再者，汁内有好多配菜，令整道菜都显得极之丰富。咁正嘅菜式，大可纳入常规菜式中。
炖牛脸颊
$288
39 浏览
1 赞好
0 留言
同朋友聚一聚，倾吓偈，讲讲近况故然开心，但能够一齐享用到美味嘅食物，称心满意，就更加满足！
张贴
