影片
更多
2015-12-23
5512 浏览
临近圣诞，难得约到成班happy友饭聚，一行16人，叫咗12人套餐外加散叫小菜甜品。餐厅俾咗张大枱我哋，都唔算迫。服务真系非常好，又帮我哋影相，very good呀！食咗好多嘢，介绍几个推介菜式：乐农翡翠羹：呢碗碧绿色嘅翡翠羹系由菠菜制造而成，带有阵阵椰香，口感软棉而唔浆口，唔错！五福临门：冷盘，有凉拌青瓜丶西芹丶粉丝丶茄子，全部用料都好新鲜，亦好入味，尤其茄子带香草味几得意，值得一赞。素叉烧：必食！唔止卖相得，呢个蜜味素叉烧随时好食过「真．叉烧」，咬落「肉」质酥软，个个都赞好。黑松露兰花扒百灵菇：黑松露香味唔算突出，但百灵菇几有咬口好似食紧「真．象拔蚌」一样，西兰花爽身，献汁味道适中，不太咸，也唔太杰身。榄菜蛋白炒饭：米粒分明，粒粒企身，唔油腻，榄菜增添米饭咸香，蛋白平衡榄菜咸味，绝不欺场。黄金蕃薯膏：好浓姜汁味而不辣口，用大菜膏做，加入细细粒软「糯」蕃薯，同埋爽口马蹄丝，几清甜。芝麻膏：其实我平时好憎食芝麻做嘅甜品，见大家讲到咁正，勉为其难食一件啰！不过，估唔到呢件嘢几神级㖞，甜度适中，外层爽韧，内𥚃creamy，好像食紧啖啖芝麻露咁，但膏黎㗎㖞，正！
食咗好多嘢，介绍几个推介菜式：
乐农翡翠羹：呢碗碧绿色嘅翡翠羹系由菠菜制造而成，带有阵阵椰香，口感软棉而唔浆口，唔错！
五福临门：冷盘，有凉拌青瓜丶西芹丶粉丝丶茄子，全部用料都好新鲜，亦好入味，尤其茄子带香草味几得意，值得一赞。
素叉烧：必食！唔止卖相得，呢个蜜味素叉烧随时好食过「真．叉烧」，咬落「肉」质酥软，个个都赞好。
黑松露兰花扒百灵菇：黑松露香味唔算突出，但百灵菇几有咬口好似食紧「真．象拔蚌」一样，西兰花爽身，献汁味道适中，不太咸，也唔太杰身。
榄菜蛋白炒饭：米粒分明，粒粒企身，唔油腻，榄菜增添米饭咸香，蛋白平衡榄菜咸味，绝不欺场。
黄金蕃薯膏：好浓姜汁味而不辣口，用大菜膏做，加入细细粒软「糯」蕃薯，同埋爽口马蹄丝，几清甜。
芝麻膏：其实我平时好憎食芝麻做嘅甜品，见大家讲到咁正，勉为其难食一件啰！不过，估唔到呢件嘢几神级㖞，甜度适中，外层爽韧，内𥚃creamy，好像食紧啖啖芝麻露咁，但膏黎㗎㖞，正！
张贴
