養心殿台式養生鍋 (已搬遷) 新店位置

今晚约左一班旧同事出黎聚一聚，好耐无见，旧同事提议去养心殿，因为想试下个美人锅。同行有一位朋友又好喜欢食辣，所以我地拣左个鸳鸯汤。由于我地系四位女士，都比较细食，所以叫肉嘅份量比较少。净系叫左一份牛肉。我地叫左极上雪花肥牛。肥牛果然雪花分明，不会太肥腻。最好系如果叫左麻辣汤，会追加一份鸭血。鸭血质地有相当嘅韧度，唔会一夹就散。我最中意嘅就系黑柏叶，滚一滚就食得，十分爽口。我地另外叫左一樽自家制冲绳黑糖乌梅汁，梅味浓，又不会太甜，带少少梅酸，食到饱时喝一口，即时又开翻个胃，再继续食！整体服务非常快手，态度又好，绝对无令人失望！