影片
更多
2022-11-19
125 浏览
疫情之下，好多朋友都见唔到，乘情况好转，就约番出嚟相聚。为咗方便大家，选址旺角，贪佢就脚。呢间部屋咖啡室从来未嚟过，但系睇到OpenRice上佢嘅评分几好，环境适合三五知己倾偈，最紧要系唔会赶人走，所以就决定喺呢度聚会。因为对旺角唔熟悉，揾咗一轮至睇到个入口。呢幢楼其实都有几多食肆，排队搭lift上楼嘅人十分之多，我等咗成五分几钟先至入到个电梯。到达之后发觉我系第一个到嘅，对正电梯口嘅餐厅位置已经满座，仲谂住唔通要等位？好在扫咗安心出行之后，侍应就带我去另外一间房坐，冇几耐啲朋友就上晒嚟喇。等朋友嘅时候我就睇咗个餐牌，因为今晚大家都系志在倾偈叙旧，所以人一齐就决定要个四人套餐。套餐$698可以选择一个14吋嘅Pizza，一个沙律，两份主食同埋四杯餐饮。我哋加咗25蚊要个越式炸蟹饼，另外又使多少少钱upgrade咗饮品。先上嘅喺Caesar salad，份量唔算多，味道还可以，但系如果酱汁俾多啲会更好。跟住上嘅系越式炸蟹饼，一份有六件，跟埋一碟泰式甜酱。蟹饼约麦乐鸡咁上下大细，炸到金黄色，都几香口好食，可惜一时之间唔记得影返张靓相😝。主食有意式辣肉肠意粉同埋黑松露杂菇意大利饭。我个人对意
呢间部屋咖啡室从来未嚟过，但系睇到OpenRice上佢嘅评分几好，环境适合三五知己倾偈，最紧要系唔会赶人走，所以就决定喺呢度聚会。
因为对旺角唔熟悉，揾咗一轮至睇到个入口。呢幢楼其实都有几多食肆，排队搭lift上楼嘅人十分之多，我等咗成五分几钟先至入到个电梯。到达之后发觉我系第一个到嘅，对正电梯口嘅餐厅位置已经满座，仲谂住唔通要等位？好在扫咗安心出行之后，侍应就带我去另外一间房坐，冇几耐啲朋友就上晒嚟喇。
等朋友嘅时候我就睇咗个餐牌，因为今晚大家都系志在倾偈叙旧，所以人一齐就决定要个四人套餐。套餐$698可以选择一个14吋嘅Pizza，一个沙律，两份主食同埋四杯餐饮。我哋加咗25蚊要个越式炸蟹饼，另外又使多少少钱upgrade咗饮品。
先上嘅喺Caesar salad，份量唔算多，味道还可以，但系如果酱汁俾多啲会更好。
凯撒沙律
6 浏览
0 赞好
0 留言
跟住上嘅系越式炸蟹饼，一份有六件，跟埋一碟泰式甜酱。蟹饼约麦乐鸡咁上下大细，炸到金黄色，都几香口好食，可惜一时之间唔记得影返张靓相😝。
主食有意式辣肉肠意粉同埋黑松露杂菇意大利饭。我个人对意大利饭一向冇乜兴趣，所以只系食咗一啖，都叫做食到啲黑松露味。至于个辣肉肠意粉，我就觉得一般般，可能系香肠类的食物一向都唔系我𠮶杯茶，此外我仲嫌佢的意粉煑得唔够腍。
意式辣肉肠意粉
6 浏览
0 赞好
0 留言
黑松露杂菇意大利饭
17 浏览
0 赞好
0 留言
Pizza我哋要咗BBQ鸡肉蘑菇，尼度嘅pizza 饼底喺即整嘅，热辣辣新鲜出炉嘅时候松软，配埋啲鸡同蘑菇一起食的确好唔错，值得俾个赞👍。
14吋烤鸡蘑菇pizza
14 浏览
0 赞好
0 留言
餐饮四杯，我哋各自选择自己所好。坦白讲，因为系叙旧，所以大家嘅注意力都冇乜摆喺食物度上。虽然如此，整体上我哋都觉得啲食物系OK嘅，最紧要系我哋都食得好开心，冇俾人啤住赶我哋走。转下眼就坐咗成两个半钟，约九时半就埋单打道回府去了。
黑森林mocha
6 浏览
0 赞好
0 留言
巨峰提子梳打
8 浏览
0 赞好
0 留言
蜜桃柚子梳打
14 浏览
0 赞好
0 留言
奇异果沙冰
16 浏览
0 赞好
0 留言
张贴
