麻辣派對 (金百利廣場) (已結業)

之前都系上深圳食酸菜鱼，有时瘾起，突然都好想食下d麻辣酸辣野。我地揾揾下，发现金百利4楼有间麻辣主打既餐厅，于是我地两公婆又去试试佢。我有两位朋友本身系上深圳一日游既，结果又坏地铁又落大雨，最后被逼留系香港。咁我就多事邀请埋佢地一齐试新野。食呢d野，多人d先可以叫多d。两个人可能一碟鱼已经搞掂左我地。餐厅周围都黑妈妈咁，好有party feel，特别有mood！酸菜江团鱼配水晶粉 (⭐⭐⭐⭐)我地都有d怕辣，所以保守d要BB辣。酸菜鱼的份量都算大，辣度刚刚好，系我地接受到既范围。食落鱼肉鲜甜，最紧要够滑。另外，锅里面加左水晶粉，好入味。不错的说！派对口水鸡 (⭐⭐⭐⭐)鸡都几滑，酱汁够晒入味，系我想像中既口水鸡味道。不过我觉得愈食愈辣。恋味毛肚 (⭐⭐)呢个我就觉得一般。好似唔太入味咁，不过食左咁多辣野，可以当中和一下。冻柠茶 (⭐⭐⭐⭐)呢杯冻柠茶简直救左我一命，够晒大杯，够晒止辣，不错的说。