台灣ET鹽水雞 (已結業)

近排台湾大选成为全球焦点，猴子都凑凑热闹，来到台湾ET盐水鸡吃一餐台式午饭。猴子点了最大众化嘅A餐，系一人份量，主食系台式冷面，𩠌菜就拣咗鸡腿、皮蛋同鸡肾。  烹调方法系将所有食材混入加了酱汁嘅冷面，然后炒埋一碟。由于酱汁味浓，所以各种食材嘅味道都分唔到太清楚。幸好鸡腿同鸡肾系两种截然不同嘅口感，一个滑，另一个爽，所以食起上嚟都唔会太单调。至于皮蛋，由于味道同酱汁有啲「撞」，所以食起上嚟有种「无乜味」嘅错觉。  话明系盐水鸡，所以都预咗咸味比较高，食完之后虽然有啲口干，不过唔咸又好似冇咁惹味。