Go Dutch Cafe

营业中

休息中

楼上cafe依间都算阔落，座位舒适环境宁静，私人空间十足，坐几耐都得，二人套餐 $368 贴地，当中菜式选择多，食物质素唔错，来倾计食饭最好不过。芝士烟肉黑松露焗大蘑菇厚肉的大蘑菇食落软淋淋有汁好有菇味，酿左邪恶的芝士加烟肉碎吊一吊咸香，无敌配搭非常好味。特浓龙虾汁带子蟹肉意粉意粉幼身份量唔少食极都仲有，口感烟韧，香浓的龙虾汁意粉好挂汁好美味，少许豆苗带来清香草青味，带子细细粒胜在够多粒，淋淋地唔错，加了蟹柳丝捞埋意粉多左份口感，整体味道唔错。自家制黑松露烧春鸡配薯蓉烧春鸡即叫即整，等左好耐但都值得，热辣辣食落又几好味。原只鸡好大只，薯蓉两球份量多食唔晒。鸡皮香口入晒味好正，鸡肉质嫩油脂焗走晒，食完唔会满口油腻。玫瑰果茶好大壶感觉好抵饮，味道淡淡的微微的芳香，加了蜜糖较易入口。荷兰旗色水好靓，蓝柑桔加乳酸，酸酸甜甜清新开胃，睇得又饮得。比利时窝夫窝夫分左两份，沾左朱古力酱及士多啤梨酱，外脆内软，简简单单的甜品。