大同韓燒 (已結業)

耐唔耐就会约埋几个朋友食韩烧，今次黎到朋友介绍嘅大同烧烤，果然系聚脚好地方，地方阔落，坐得舒适，入座起计任饮任食两个半钟，唔怕赶头赶命。佢地吸引之处系可以任叫三文鱼刺身，虽然系任食，但属于新鲜肥美质素呢到抵赞。自助吧就有好多款选择，前菜有泡菜大豆芽呢D唔少得，又有小食如鱼蛋，玉子烧，味道唔错。最钟意佢个泡菜牛骨汤，香浓蕃茄味又辣辣地。肉类、海鲜同菜类都有得选择，我地都食唔哂咁多种，而且每款肉都唔同腌料嘅，唔会下下都系同一只味咁闷，最推介系厚切牛舌，正。饮品劲多选择，唔系大陆牌子，仲有好多系韩国特色饮品拣。最后仲有甜品、雪糕呢D食，非常丰富惹味嘅一餐。