UCC Coffee Shop (已搬遷) 新店位置

同朋友庆祝生日，第一次帮衬沙田呢间，晚上七点左右到达，等左十五分钟就有位，我地坐左入沙发里面，间格相比坐近门口好好多，我地叫左个菠菜三文鱼螺丝粉和什菌墨汁饭，两个套餐都转左跟餐加($28)，跟汤、餐饮、自助沙律吧，个三文鱼螺丝粉开头以为系一片片既三文鱼，点知上枱个时系粒状既三文鱼，味道都ok，反而个墨汁饭就好味好多，虽然食到d牙黑晒，份量都好够，自助沙律吧选择都系以罐头生果为主，咩菠萝、蜜桃、红腰豆，另外仲有沙律蝴蝶粉，粟米薯蓉，呢两款整得几好食，最唔少得系有啫喱糖(青柠味)，如果技术好好既话可以叠到好高，就算系繁忙时间都唔会赶你早些埋单，待应生服务好好，有不断为你加水，环境又唔会太嘈吵，好啱同朋友慢慢倾计，值得再试啊！