魔膳廚房 (已結業)

朋友约观塘食饭，行错路，响工厦上电梯去间餐厅 - 魔膳厨房。餐厅面积好大，装修复古得黎又有艺术感，仲有projector 播下片。餐牌都好别致，长型厚木板📋，有套餐又有单点，琳琅满目。餐厅中心有沙律bar，跟餐加+$38就可以任食沙律，可惜冇影到相😣！ 沙律款式多不胜数，好似酒店自助餐咁👍🏻，例如：三色椒、生洋葱圈、车厘茄 等等，沙律酱款式都四五款。 但今晚唔系好肚饿，我地两个都冇加钱食，在场都有过半食人食。我地叫左两个set dinner，跟餐有餐汤&餐包，餐汤有罗宋汤/南瓜汤，一人一款，罗宋汤好多配料，朋友话南瓜汤好creamy。餐包热哄哄，表皮脆内里软，有别一般质素。主菜：扒大虎虾配龙虾汁意粉，有虎虾&青口配衬，材料新鲜。意粉配龙虾汁，味道更浓厚！意粉底仲有层虾米&八爪鱼粒吸哂精华。墨西哥香辣猪肋骨配芝士焗疯薯，大大条Baby Ribs，厨房好劲，咁大条都冇烧焦之余，仲烧到好香 好有咬口。