Rimi Cafe (已結業)

今日收工约左朋友聚一聚😝😝想揾个好坐嘅地方休息下，所以最后选择咗楼上cafe。我地两个女仔点咗个二人餐慢慢食～包括咗餐汤、餐包、前菜、2道主菜同埋餐饮，十分丰富。餐汤系南瓜忌廉汤配蒜蓉多士，饮落顺口，多士脆卜卜，开哂胃🤣前菜我地就点咗烟肉芝士焗薯，啲hams十分足料，十分实在，同芝士味十分相配～😝主菜就点咗蕃茄肉酱意粉，钟意佢嘅汁酱够多，令每条面都包裹住酸酸甜甜嘅蕃茄酱～另外，我地都试咗佢个羊架配薯菜，cp值好高！因为一碟有4旧羊架，而且肉质亦不错，嫩嫩的羊肉配搭酸酸甜甜嘅沾酱，推荐大家试试～饮品方面就点左一杯紫上谈冰同埋芋香珍珠奶茶，十分冰爽嘅台式饮品～为今餐完美作结😆