Rimi Cafe (已結業)

系旺角想揾个地方有得食之余又想倾下计玩下game，望过几间cafe又唔系好多环境合适，食既要求就唔高既我地，都系想有个地方轻松下倾下计。环境方面系登打士街，都尚算方便。上到cafe，估唔到都full，大部份都系卡位自成一角，有一边就似d party room既格局。最重要系有卡位侧面有拖板，我地可以食住补充能量之余，手机、电子产品都可以补充能量。叫左个set，同散叫其实差唔多，但相比之下就多左个餐汤同野饮。小食都几多选择，价钱又尚算合理跟餐既前菜，蒜蓉包好香好脆口，但系净系得牛油味，太少蒜蓉完全食唔出蒜蓉味。粟米汤似系街买反黎既冲济，饮落粉味好重，而且无乜忌廉同粟米味。鸡翼，依个唔错。焗既时间岩岩好，咬落仲好juicy，而且蜜糖味好入味，但我地叫蜜糖芥末好似漏左芥末比我地！薄饼其实就一般般，好多茄酱，净系好浓既茄酱味，无乜芝士，饼底都几厚，唯一块烟三文鱼可以点缀下。意大利饭份量算少，饭粒又较硬身，食落好腻口。cafe食物质素算系咁上下，有机会会去第二度试下。胜在有个地方聚下脚！