蠔站 (黃金廣場) (已結業)

餐厅嘅地方宽阔，而且环境气氛好岩情侣同埋朋友叙旧，佢有一个开蚝既开放厨房你可以见到有唔同嘅蚝同埋厨师开蚝既功架，首先讲下主角生蚝，我哋食既生蚝，系爱尔兰产地嘅生蚝，细细只但胜在海水味够浓，够哂鲜甜，而令你最惊喜嘅地方系佢嘅价钱只系10蚊一只，10蚊有呢种质素嘅蚝简直无得输，我同我朋友成晚净系食生蚝都食左两打，就知有几好食，至于热食，当中佢嘅白酒香蒜辣椒蚬肉扁意粉，就令我非常回味，白酒既酒香，加埋香蒜既味道，辣椒蚬肉既开胃，配合扁意粉一齐食，实在令我食得津津有味，至于我朋友叫既虎虾柏士意大利饭，大大只虎虾，啖啖肉，虾味十足，再加上烟韧既意大利饭，一个字，正，食完呢啲主菜，又想有啲小食送下酒，不妨叫个薯条食下，佢个薯条新鲜炸出嚟，热辣辣脆扑扑，拎黎送酒一流，总括而言，呢间餐厅既生蚝抵食得黎又有质素，熟食方面都煮得非常出色，不过温馨提示一句，由于餐厅未领酒牌，如果你哋想一路叹白酒一路食生蚝，就要自己带酒去啦，佢会有冰桶俾你雪住