影片
更多
2018-04-16
724 浏览
旧年年尾晌中环同朋友试过一家主打亚洲融合菜嘅 「丰乐里」，感觉有啲西化嘅中菜，今日又喺约咗旧同学食晏，拣嚟嘅「Fang Fang」，同样揉合西方及亚洲元素嘅新派中菜，加上环境静局，非常啱静静哋同老友食餐午饭。餐厅位处LKF Tower8楼全层，一出电梯就喺餐厅接待处，走进去，先喺型格酒吧区。晌兰桂芳呢头，乜菜系嘅食肆都会加设酒吧区喺常识，因为，卖酒一来颇赚钱，二来不愁无客源，老外、游客都喜欢呢度嘅饮酒气氛。再走入啲，用餐区嘅环境尽现眼底，地方颇大，虽然卖中菜，但装修摩登，浅灰云石地板及餐枱，衬以深灰墙身及餐椅，有中有西嘅挂画，一啲都无违和感。枱与枱之间嘅间距阔落，唔会觉得挤迫，而且，是日晏昼客人唔算好多，侍应都刻意安排客人坐晌唔同角落，等大家有个更幽静嘅环境用餐。而且，整后用餐时间，侍应都殷勤有礼。从枱上餐具嘅摆设，设定中西化，一套刀叉以方便外藉客人，餐碟外观亦好靓，唯一挑剔喺筷子喺日式类嘅即弃型，无咗环境啰。午市除有散点，亦有数款套餐供选择，平平哋嘅有特快午餐（$148位），享受多啲中价位嘅午市套餐（$198位）及用料更精嘅行政套餐（$488位）。计过度过，当然以5道菜嘅午市套餐最为
餐厅位处LKF Tower8楼全层，一出电梯就喺餐厅接待处，走进去，先喺型格酒吧区。晌兰桂芳呢头，乜菜系嘅食肆都会加设酒吧区喺常识，因为，卖酒一来颇赚钱，二来不愁无客源，老外、游客都喜欢呢度嘅饮酒气氛。
再走入啲，用餐区嘅环境尽现眼底，地方颇大，虽然卖中菜，但装修摩登，浅灰云石地板及餐枱，衬以深灰墙身及餐椅，有中有西嘅挂画，一啲都无违和感。
枱与枱之间嘅间距阔落，唔会觉得挤迫，而且，是日晏昼客人唔算好多，侍应都刻意安排客人坐晌唔同角落，等大家有个更幽静嘅环境用餐。而且，整后用餐时间，侍应都殷勤有礼。
从枱上餐具嘅摆设，设定中西化，一套刀叉以方便外藉客人，餐碟外观亦好靓，唯一挑剔喺筷子喺日式类嘅即弃型，无咗环境啰。
午市除有散点，亦有数款套餐供选择，平平哋嘅有特快午餐（$148位），享受多啲中价位嘅午市套餐（$198位）及用料更精嘅行政套餐（$488位）。
计过度过，当然以5道菜嘅午市套餐最为划算吸引， 包点心、前菜或汤品、主菜、炒饭或白饭、甜品，并奉送咖啡或茶。
虾饺皇配海苔素粉粿点心喺两款指定款式，一个小蒸笼装起晒，质素之高一食就知。
虾饺皇配海苔素粉粿
10 浏览
0 赞好
0 留言
至于海苔素粉粿同样出色，外皮加入海苔，再放满菌粒、木耳丝、笋粒、红萝卜……等等，味道却出奇地一啲都唔寡。
辣椒油、豆办酱未上菜时已送嚟两小碟酱料，小弟本身唔嗜辣，辣椒油就免喇，友人话啲豆办酱好食，所以，佐以虾饺，又确喺唔同晒。
前菜或汤品共有5款选择，3个喺沙律，2个喺汤，我等城市人少汤水，自自然然倾向拣碗靓汤饮吓。
竹笙瑶柱炖螺头咩叫做浓而不浊，碗炖螺头就可以讲喺完美演绎，汤色清澈见底，入口却喺醇香够晒火喉，丁点油腻都无；再者，配以笙瑶、螺头，都喺啲健康、多功效嘅保健食品，确喺一碗真材实料嘅靓炖汤。
竹笙瑶柱炖螺头
8 浏览
0 赞好
0 留言
碗粟米羹亦都推得有水准，质感滑溜，唔会过杰，又唔会过稀，口感啱啱好；羹内混有好多清甜嘅粟米粒，又嗒得到一瓣瓣蟹肉，而羹面嘅黑毛猪火腿碎碎，点缀大过对味道提升嘅作用。
黑毛猪火腿蟹肉玉米羹
9 浏览
0 赞好
0 留言
酸子秋葵咖喱鲈鱼点菜时店员已温馨提示我会辣辣哋，但食落个酱汁辣度都喺点到即止，唔呛喉，带微酸，惹味得嚟几醒胃；啲鲈鱼肉质嫩滑细致，有鱼味，除秋葵，件更有车厘茄及鲜菠萝粒，添几分清爽感。
酸子秋葵咖喱鲈鱼
5 浏览
0 赞好
0 留言
家常菜菜芯炒牛肉就食得多，安格斯牛扒亦算喺食过唔少，揾嚟炒西兰花，唔会有太大惊喜，但食落就知咩叫做靓料。道菜其实几有家庭味道，但啲牛肉坚好软腍，唔喺梳打粉腌过𠮶啲腍，有肉香且富肉汁，而西兰花处理得仲有点爽口。
松子葱花蛋炒饭饭品一喺白饭，一喺炒饭，但相信极少人会拣前者。个蛋炒饭炒得够干身，饭粒分明，再加入松子仁及葱花，个人觉得如混和一齐嚟炒就更好。
去到近尾声又喺甜品嘅时间，估唔到有成4款选择，款款都精，样样都想试。
椰子奶涷被本地酒楼啲甜点架下框架，加上喺套餐，以为简简单单得件奶冻，估唔到伴以杂莓，淋上新鲜酸活嘅热情果浆，放上沉实嘅小砵上，未食先有个好印象。入口，啲奶冻有阵阵椰子香，又有浓郁奶味，质感柔滑而挺身，个人认为喺高水准嘅出品。
椰子奶涷
10 浏览
0 赞好
0 留言
小甘笋绝对喺做得唯肖唯妙，卖相够晒可爱，食落有啲似喺加入奶皇馅嘅甜咸水角咁，外皮带点脆，奶皇香软；而擂沙汤圆跟番传统，无咩花巧，但外皮搓得软糯，芝麻馅好香。
即磨咖啡、乌龙茶虽然喺食唐餐，但包一杯餐饮，小弟就拣即磨咖啡，睇见挂杯嘅咖啡纹路，就知啲豆唔喺普通平嘢，饮落醇香。而友人就拣壶乌龙嚟消消滞，最欣赏喺套茶具，非常精致。
粮头嘅日子，想食番餐好嘅午饭，「Fang Fang」喺个唔错嘅选择，唔单用餐环境写意，且服务到位，上菜嘅时间、收碟、添水，都喺有次有序，不缓不急。再者，用料不赖，师傅手势扎实，大家都喺挨生挨死嘅打工仔，食餐好嘅慰劳自己都应该啦！
张贴
