沐浴咖啡 (已結業)

湿地公园附近都有好多餐厅，有朋友最近搬左过黎，难得聚旧，想揾间坐得舒服同有特色嘅餐厅。不久之前黎过「沐浴咖啡」，见佢环境同食物都唔错，就打算黎呢度食下野倾下计。由于有下场，所以都唔想叫太多野食，见到餐牌上有个「法国柠檬麦多士」系列，真系适合想食轻食嘅我地。呢个系列有三个选择，我地叫左较轻盈嘅「慢煮鸡胸肉配牛油果法国黑麦多士」。黑麦多士煎至金黄色后表面香脆，内里柔软，上面放上芝士、沙律菜，鸡胸肉同埋牛油果，再洒上少量七味粉调味，再以沙律菜伴碟。鸡胸肉经慢煮后鲜嫩多汁，配埋香滑细致嘅牛油果，以及松脆嘅黑麦多士，整体配搭唔错，令人一试难忘。饮品方面，最值得一赞嘅系佢地嘅抹茶牛奶，送上台时极有惊喜，靓靓嘅拉花配上香滑得黎又有香浓抹茶味嘅抹茶牛奶，令我地度过左一个难忘嘅下午。