Deer Kitchen (已搬遷) 新店位置

圣诞临近，当然系揾朋友聚下旧嘅好时机。今晚拣咗去观塘工厦嘅一间餐厅 - Deer Kitchen。今晚我地拣咗1)秘制虎虾天使面(2)香煎比目鱼配龙虾(Set)(3)手制意大利云吞(Set)点完餐后，先送上香草面包配黑松露牛油，面包嘅香草味同黑松露牛油嘅香味扑鼻而来，食落去香草包同牛油平衡得啱啱好，无抢到对方嘅味道。今日嘅餐汤系南瓜汤，南瓜味好香，不过如果可以浓多少少就好喇。其实跟Set嘅餐前小食有几款，店员推介手制意大利云吞，咁我地就拣依个啦。依个意大利云吞系配黑松露酱汁，两样非常夹，不过两只云吞痴得太实，要有啲时间同技巧先分开到。秘制虎虾天使面嘅酱汁系有少少辣嘅，好惹味，朋友好喜欢依个味道，如果可以多少少汁就更加好喇。而只虎虾烤到啱啱好，肉质都几弹牙。香煎比目鱼配龙虾，份量都算好大份，龙虾有成只手掌咁大，不但啖啖肉，而且用咗芝士去焗，就更加美味。比目鱼煎得好好，非常嫩滑。配菜有紫蕃薯蓉，甜甜哋，我好喜欢啊。甜品有白酒啫喱同朱古力慕丝，不错。餐厅布置得好温馨和谐，作为一个聚旧嘅地方，系一个好好嘅选择。