花見月 (已結業)

星期日约咗一班fd 聚旧，原本想去沙田食饭，但又怕好多人，所以就嚟咗科学园！呢间之前有朋友食过话好正，所以决定试试！嚟到铺头，已经觉得环境好舒服，景观好开扬，真系见到都心情大好！见到餐牌有好多好嘢食，我哋四个人决定叫几个share !首先叫咗个黑酱油豚骨拉面，个汤底好浓，拉面都煮得啱啱好，唔会太淋，够爽口，食完个面大家都忍唔住饮番两啖汤！上面嘅猪软骨都整得好好食，入口即化嘅感觉！之后系花见月特上鱼生丼定食，外型好靓，上面有三文鱼子、海胆、带子咁好多款刺身，全部都好新鲜！可惜我地太贪心，最终都食剩咗啲饭！除咗定食同拉面见到佢有个special menus 系食all day breakfast，贪得意就叫咗嚟试吓，又几盏鬼，无谂过香肠都有三款，佢配埋日式薯饼，又几有新鲜感， 同埋薯饼都系好脆好好食！   呢度叫野食可以追加刺身同其他小食，我哋要咗三文鱼、三文鱼腩同甜虾刺身，全部都好新鲜，所以一上枱就比我地清晒！  我哋仲要埋薯饼、鱿鱼饼同明太子鸡翼，结果饱到不得了，但鱿鱼饼要赞下冇谂过份量咁大，一份可以切到四件，我哋仲叫咗两份，结果当然食到劲饱！至于明太子鸡翼，都好足料，同埋有好多明太子