燒肉屋 (清風街)

今日嚟到位于天后嘅烧肉屋食饭，虽然今日系平日，但系嚟到餐厅嘅时候都已经差唔多满座咁滞。餐厅嘅布置非常之有心思，系墙壁上仲贴咗唔少海报添。薄切和牛常满二人套餐蟹将军沙律蟹肉捞埋薯仔之后，令到薯仔更加容易入口，份量适合同朋友share。和牛肉眼和牛肉眼已经预先经过调味，只要稍为煎少少，已经好好味。厚切牛舌依家个牛舌份量非常之多，亦都好厚切，不过煎嘅时候就要小心，因为本身切得好厚，唔系咁容易烧得熟。牛肩胛串牛肩胛嘅数量都几多，有香浓嘅牛肉香味。蒜蓉牛油帆立贝帆立贝配上牛油同蒜蓉之后，味道更上一层楼。蜜糖烧鸡翼餐厅已经预先处理过少少，令到烧嘅时候更加方便。整体嚟讲，我觉得今餐嘅肉类质素都几高，加上烧完之后仲有一阵阵炭火嘅香味，唔怪之得平日都咁多人嚟帮衬啦。